العلاج في حمامات الرمال في سيوه
أجانب كتير بييجو من آخر الدنيا عشان يستشفوا ويجددوا طاقتهم ويتعالجو من اي امراض متعلقه بالعظام مثل الخشونه والغضروف والروماتيزم والروماتيد ولالام العظام والرطوبه والتخلص من السموم المتراكمه في الجسم وتنشيط جهاز المناعه وتنشيط الدوره الدمويه والامراض الجلديه وامراض كتير جدا اخري.
هايكلمنا النهارده الاستاذ احمد عبد الرحمن منظم رحلات العلاج في حمامات الرمال في سيوه وهانتعرف على تفاصيل تجربة الاستشفاء في سيوه ارض الشفاء كما يطلق عليها السياح في اوروبا.
برنامج العلاج في حمامات الرمال في سيوه
- بنبتدى رحلتنا من ميدان عبد المنعم رياض كل خميس وبنسافر غرباء مابنعرفش بعضنا لكن بنرجع اصدقاء وبتكتسبو خبرات وبتتعرفوا علي كنوز في واحة سيوه وطبيعه بكر هاتخليكم تدمنوا زيارتها صيف وشتا.
- بنوصل مطروح بنفطر ونشوف الشروق على البحرنشم هوا نضيف ونسترجى ونهيأ نفسنا للتجربه الفريده اللى هانعملها وبعدها بنروح سيوه في خلال ثلاثة ساعات وبنوصل وبنبتدي برنامجنا للاستشفاء في ارض الشفاء سيوه.
- وهنا يقوم الزائر بجوله في الواحه وزيارة الأماكن السياحية في الواحه وبننزل البحيرات الملحيه الساحره وهنا بنفرغ جسمنا من اى طاقات سلبيه نهائيا وبتحس انك خفيف كده وفى منتهى الحيويه.
- بعدها كمان بننزل العين الكبريتيه الشافيه لتنشيط الدوره الدمويه والتخلص من اى امراض جلديه بينما هناك متخصصون آخرون يقومون بتجهيز حفرته العلاجيه لتستقبل أشعة الشمس من الساعة السادسة صباحاً وحتى الساعة الثانية عشرة ظهرا وهنا تبدأ رحلة العلاج بعد عودته من الجولة الحره بنقيس له الضغط والسكر واللى بيعمل كده شخص متخصص في المركز ثم يقوم المريض بالنزول في الحفرة التي أعدت له و يمكس فيها من من 15دقيقه ل30دقيقه الحفره 30 سم بس علشان محدش يتخيل غير كده.
- ثم يتم نقله إلى الخيمه وهي عبارة عن سونا طبيعية ليشرب فيها المشروبات الطبيعية والعطرية ومن أشهر المشروبات التي تقدم له في الخيمه هى الحلبه بالعرقسوس و بيقعد في الخيمه مده تتراوح بين 30 دقيقه إلى 45 دقيقه حسب قدرة التحمل ثم بعد ذلك يتم نقله إلى السكن وتقديم المشروبات له في ذلك الوقت.
- ويكرر الموضوع في كل الجلسات المحدده تحت إشراف فريق متخصص على مدار ايام الجلسات.
أهم الاسئلة والاستفسارات عن العلاج بحمامات الرمل
في اسئله بتيجي في بالنا اول ما نسمع عن حمامات الرمال في سيوه ان الرمله سخنه ومش هاتحمل وكده لا خالص ده كلام غير صحيح الموضوع عامل زى نزول البحر مثلا بتبقي سقعان واول ماتاخد غطس بتبقي خلاص مفيش أي احساس بالسقعه وكذلك حمامات الرمال اول مابتلمس جسمك بتبرد اصلا وبيتم تغيرها اثناء الردم وبتبقي في منتهى الاسترخاء
س : مين ممكن يجرب تجربة الردم بالرمال؟
ج : أى حد بيعانى من أى آلام فى العظام . او الروماتيزم والامراض المرتبطه به والروماتويد والام المفاصل وتنشيط
الدوره الدمويه وعلاج الدهون علي الكبد كما انه رافع للمناعه .وتفتيت الدهون وعلاج الأمراض الجلدية كالجرب وحب الشباب. وتكييس المبايض عند السيدات وبعض الامراض الجلديه زى الاكزيما والصدفيه و محفز طبيعي لإطلاق الإنسولين في الجسم.
س : ممكن حد معندوش آلام عظام يجرب الموضوع؟
ج : أيوه طبعًا لأن حمامات الرمل بتحسن وظائف الجسم بشكل عام وبتقوى المناعه .وبتجدد الطاقه والحيويه والجسم بيتخلص من السموم بشكل عام زى مثلا المدخنين اللى عاوزين يبطلو تدخين بيتم التخلص من النيكوتين من الجسم ومن الكافيين لمدمنى القهوه مثلا والمتعافين من الادمان كل ده الجسم بيتخلص منه اثناء عملية الردم بشكل عام وبعدين في اجانب كتير وشخصيات عامه وفنانين بيجو سيوه كل سنه من باب الوقايه وبقي اسلوب حياه طبعا عندهم زى الفنان محمود حميده والاعلاميه الكبيره بثينه كامل وغيرهم
س : فى خطوره على الشخص إللى هيخوض تجربة العلاج بالردم في الرمال ؟
ج : مفيش أى خطوره على الشخص إللى هيخوض التجربه إلا لو كان عنده أى أمراض متعلقة بالقلب فمينفعش يخوض التجربه دى نهائياً أما لو عنده أمراض متعلقة بالضغط أو السكر فمفيهاش خطورة بس مهم إنه يبلغ قبلها لأن ليها أحتياطات خاصة ومدد مختلفة .وشرط انه مايكونش عمل عمليه جراحيه في خلال السنتين الماضيين
س : فى متطلبات معينه فى الشخص ؟
ج : المتطلب الوحيد إن تكون الآلام مجرد آلام فقط ومفيش أى كسر حديث فى العظام لم يمر عليه عام .
س : الموضوع صعب ولا سهل ؟
ج : الموضوع مش صعب إطلاقا وفى نفس الوقت مش سهل سهولة مطلقة بس هو علاج فعّال هتضطر تتعرض لحرارة عالية وقت حمام الرمل وهتضطر طول إقامتك متشغلش لا مروحة ولا تكييف نهائياً وكده كده حتى لو الحرارة عالية مش هتحتاجلهم بعد أول حمام رملة فى تانى يوم بعد الوصول لأنك مش هتحس إن الحرارة عاليه أصلاً .وكمان جلسة الردم من 10 دقايق لربع ساعه وفى اخر يوم بيتم عمل جلسة مساج وتقفيل للجسم بزيت الزيتون
وكمان وهايطلب منكم انكم تدهنو جسمكم بزيت الزيتون مره اسبوعيا او مرتين شهريا لفوائده الكثيره على صحتنا بشكل عام
س : هل حمامات الرمال للرجال فقط ؟
ج : حمامات الرمال متاحه للرجال وللنساء والأماكن طبعا منفصلة تماما والرجال بيشرف عليهم رجال والنساء بيشرف عليهم نساء .
حمامات الرمال تراث علاجي ده بيتم فى سيوه من قديم الأزل. يعني مش هوايه .. بالعكس ده وراثينه من أجداد الأجداد
للتواصل والقيام بهذه التجربه الفريده والممتعه ممكن تتواصل مع هذه الصفحه https://www.facebook.com/family.camp2
